Финалистот од Лигата на шампионите, Интер, го најави своето прво летно засилување, Маркус Турам. Францускиот репрезентативец доаѓа како слободен играч по четири сезони во Борусија Менхенгладбах.
Напаѓачот, кој за еден месец ќе наполни 26 години, е син на легендата Лилијан Турам.
Неговиот договор со „нероаѕурите“ ќе биде на пет години со плата од 6 милиони евра.
Тој играше за Сошо, Генгамп и за Борусија Менхенгледбах, а роден е во Парма, каде што играше неговиот татко.
