Интер официјално го објави потписот со голманот Андре Онанa, кој пристигна на слободен трансфер откако вчера му истече договорот со Ајакс.
Камерунскиот репрезентативец е третото ново засилување на „нероаѕурите“, кои во претходните два дена најавија договори за напаѓачот Ромелу Лукаку и играчот за врска Кристијан Аслани.
Договорот на 26-годишниот Онана е до летото 2027 година, а неговата плата ќе биде 3 милиони евра по сезона. Тој ќе биде конкуренција на ветеранот Самир Хандановиќ за голманската позиција на тимот.
