Капитенот на Наполи, Лоренцо Инсиње, се уште го нема продолжено договорот со клубот и на лето би можел да ја промени средината. Тој влегува во последната година од договорот, но Наполи се уште му нема понудено продолжување на соработката. По ова, агентот на Инсиње отпочна преговори со раководството на Милан.
Инсиње бара 4 милиони евра по сезона, сума која „росонерите“ се подготвени да ја платат. Италијанските медиуми истакнуваат дека капитенот на Наполи е блиску до преселба на „Сан Сиро“.
Лоренцо Инсиње целата кариера досега ја посвети на Наполи, освен тоа што како млад фудбалер беше на калење во Кавезе, Фоџа и во Пескара.
