Македонскиот претставник Македонија ЃП утре (19 часот) го игра реванш мечот против ЦСКА Софија во второто квалификациско коло во Конференциската лига. По ремито без голови во Скопје, тренерот на бугарскиот тим Саша Илиќ верува дека ЦСКА Софија ќе успее да ги елиминира „лавовите“.
„Ќе играме против квалитетен тим, но сега ќе ја имаме поддршката од навовачите на нашиот стадион и воопшто не размислуваме за елиминација, туку за победа и за пласман понатаму. ЦСКА Софија мора да создава многу повеќе шанси и очекувам подобра реакција од фудбалерите на утрешниот меч. Верувам дека ќе одиграме добар натпревар и дека на крајот ќе славиме триумф“, изјави Саша Илиќ.
