Баже Илијоски повеќе нема да биде дел од македонската фудбалска сцена, откако извонредниот голгетер денеска обелодени дека става крај на својата богата кариера.Тој се повлекува со епитетот „крал на стрелците“, како најдобар стрелец во историјата на Првата Македонска Фудбалска Лига, со 146 гола зад своето име.
Баже Илијоски одлуката ја обелодени преку порака на својот фејсбук-профил, заблагодарувајќи се на сите оние со кои соработувал низ годините, посебно место сочувувајќи за Работнички, клубот во кој мина најдолго време во својата кариера.
„Сакам да се заблагодарам на сите кои што изминативе години беа со мене во текот на мојата фудбалска кариера. На сите мои соиграчи, тренери, судии, новинари. Посебна благодарност до сите клубови кој што ми дадоа шанса да бидам дел од нивните истории и до сите они кои што заедно се радувавме и жалевме. „Голема благодарност до моето семејство кој што беа покрај мене и кога беше најдобро и кога беше најтешко… Посебна благодарност до мојот Работнички кој ме научи што значи да се сака и живее за успех и фудбал. Големо Благодарност до фамилиите Костовски и Поповски кој што ме прифатија како нивно дете и ја држеа вратата отворена секогаш за мене… мислам дека е време да им отстапам место на помладите и желни за успех. На сите ви посакувам многу здравје и уште поголем успех“ – напиша Илиоски на ФБ-профилот.
Баже Илијоски се решава на ваков чекор на 34-годишна возраст, завршувајќи ја кариерата како член на Работнички, тим за кој настапуваше во шест различни периоди. Од македонските клубови тој го носеше и дресот на Металург, Пелистер и Шкупи, а меѓународната кариера ја градеше во Јужна Кореја (Инчон), Јапонија (Гифу), Романија (Брашов и Рапид) и Тајланд (Багкок Глас и Келантан).
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski