Поранешниот бугарски фудбалер Илијан Илиев е назначен за селектор на бугарската репрезентација до мај 2026 година, соопшти денеска Фудбалската федерација на оваа земја.
Илиев на клупата на репрезентацијата ќе го замени српскиот селектор Младен Крстајиќ кој доби отказ по слабите резултати.
Илијан Илиев ќе дебитира на претстојните квалификации за ЕП против Унгарија и Србија на 16 и 19 ноември.
Бугарија е последна во групата Г од квалификациите за ЕВРО со само два освоени бода по шест одиграни натпревари.
