Аргентинскиот напаѓач на Галатасарај, Мауро Икарди, барал начин да се врати во Интер пред да потпише за турскиот гигант минатото лето, тврди италијанскиот весник „Тутоспорт“.
Икарди помина шест години од својата кариера во клубот од Милано од 2013 до 2019 година пред да замине во Пари Сен Жермен, првично на позајмица, а потоа за трансфер од 50 милиони евра следното лето.
По тешкиот период во француската престолнина, 30-годишниот ја продолжи кариерата како позајмен во Галатасарај минатата сезона, каде постигна 22 гола во 24 натпревари во турската лига.
Според информациите, Мауро Икарди побарал од неговите агенти да најдат начин тој да се врати во Интер во текот на летото бидејќи сака повторно да игра за италијанскиот клуб. Икарди го отфрлил интересот од градскиот ривал Милан, за да обезбеди повторно враќање во Интер.
Тоа не се случи и напаѓачот потпиша тригодишен договор со Галатасарај.
