Дефанзивецот на Лестер, Весли Фофана, се здоби со фрактура на фибулата на пријателскиот претсезонски натпревар против победникот на Лига Европа, Вилјареал. 20-годишниот фудбалер имаше долг медицински третман на теренот на стадионот „Кинг Пауер“, вклучително и давање кислород, пред да биде испратен со аплауз од над 17.000 навивачи во знак на поддршка.
„Сакам да се заблагодарам за сите ваши пораки. Имав лош ден, но јас сум во голем клуб со прекрасен медицински тим. Знаеме дека имам фрактура на фибулата и не грижете се, ќе се вратам посилен набрзо”, напиша Весли Фофана на Инстаграм.
