Наполи конечно заличи на шампионскиот тим од минатата сезона. Актуелниот првак го победи Сасуоло на гости со 1-6 и покажа дека сѐ уште поседува квалитет за високи дострели, иако оваа сезона не игра според очекувањата.
Виктор Осимен беше човек на натпреварот и постигна хет-трик.
Интересно е дека Сасуло поведе со голот на Урош Рачиќ во 17.минута, а израмни Амир Рахмани. До крјаот на првиот дел, Виктор Осимен со два гола се погрижи за комплетен пресврт.
Нигериецот комплетираше хет-трик со голот што го постигна во 47.минута, а четири минути подоцна се надоврза и Квича Кварацкелија кој беше стрелец на петтиот и на шестиот погодок за „наполитанците“.
