Германскиот бундеслигаш Херта сака да го засили офанзивниот ред со двајца квалитетни фудбалери кои досега играа во Франција и во Италија. Раководството на клубот се надева дека може да ги ангажира Џулијан Дракслер и Папу Гомез како позајмени играчи до крајот на сезоната.
Дракслер е на излезна врата од Пари Сен Жермен и Херта сака да го врати назад во Бундес-лигата, а Папу Гомез исто така бара нова средина поради караницата со тренерот на Аталанта, Џанпјеро Гасперини.
Херта се наоѓа во долниот дел на табелата во Бундес-лигата, во моментот е на 14. позиција со 17 освоени бода.
