Манчестер Сити забележа уште една победа во Премиер – лигата, но овојпат со скромен резултат против Саутемптон. Тимот на Пеп Гвардиола славеше со 1-0, благодарение на голот на Ерлинг Халанд во петтата минута.
Астон Вила не успеа да ја задржи предноста против Борнмут и на домашен терен одигра 1-1. Еванилсон во 96. минута постигна гол за израмнување, откако Баркли ја донесе Астон Вила во водство.
Брајтон и Вулверхемптон ремизираа со 2-2, додека Брентфорд во спектакуларен натпревар го совлада Ипсвич со 4-3.
