Манчестер Сити доби добри вести за состојбата на Ерлинг Халанд. Напаѓачот беше заменет на полувремето во победата од 3-1 против Астон Вила поради проблем со бутниот мускул. Тоа предизвика загриженост за Норвежанецот во пресрет на дербито против Арсенал во Лондон.
Сепак, Халанд учествуваше на вчерашниот тренинг на „граѓаните“ и се чини дека неговата состојба е доволно добра да биде на линија за пресметката со „топчиите“.
Со победа над Арсенал, тимот на Пеп Гвардиола ќе биде на врвот на табелата и покрај тоа што има одиграно натпревар повеќе.
„Ова веројатно ќе биде еден од нашите најтешки натпревари во последните години, но ние сме подготвени. Ќе патуваме во Лондон со идеја да победиме во натпреварот. Играме против најдобриот тим во Англија досега, но тие се тим кој многу добро го познаваме“, изјави Илкај Гундоган во пресрет на дербито.
