Ерлинг Халанд може да се врати како стартер за Манчестер Сити на денешниот натпревар против Саутемптон од Премиер – лигата, потврди менаџерот Пеп Гвардиола. Норвешкиот напаѓач закрепна од повредата на скочниот зглоб по речиси шест недели отсутност.
Халанд досега има постигнато 21 гол оваа сезона во Премиер – лигата и беше еден од главните кандидати за „Златната копачка“. Сепак, падна на третото место зад Мохамед Салах од Ливерпул (28 гола) и Александар Исак од Њукасл (23).
„Тој е подготвен, во форма е. Дали ќе започне од првата минута, ќе одлучиме непосредно пред мечот. Родри сè уште не е достапен. Оскар Боб и Нејтан Аке почнаа да тренираат со нас, но сè уште не можеме да сметаме на нив“, изјави Гвардиола пред медиумите.
Манчестер Сити има шанса да го освои ФА Купот, каде што ќе се соочи со Кристал Палас во финалето на 17 мај. „Граѓаните“ сакаат и да го осигураат местото во Лигата на шампионите.
