Англискиот премиерлигаш Манчестер Јунајтед е цел на хакерска група која го уценува и бара повеќе од 5 милиони фунти за да не објави сензитивни информации и клупски тајни. Хакерите успеале да ги пробијат клупските сервери и го уценуваат клубот со милионска сума.
Манчестер Јунајтед ангажирал експерти за да утврдат каква штета е направена и какви видови на информации се „украдени“ од компјутерскиот систем. Во истрагата е вклучена и националната агенција за спречување сајбер криминал.
Клубот би можел да биде и казнет доколку биде утврдено дека не се заштитени личните податоци на навивачите кои се членови на фан-клубот.
