Манчестер Сити не е заинтересиран за Лионел Меси. Барем таков впечаток оддава изјавата на менаџерот Пеп Гвардиола во пресрет на утрешниот „Комјунити Шилд“. Поточно, „граѓаните“ се изненадени од развојот на настаните и веќе го довеле Џек Грилиш, а следен чекор треба да биде Хари Кејн.
„Меси? Видовте што се случи и навистина е шокантна разврска. Ние мислевме дека сигурно ќе остане во Барселона и си направивме поинакви планови. Го доведовме Џек Грилиш кој е фантастичен играч и му го дадовме дресот со број „10“. Верувам во него, тој е неверојатен со топката. Следна цел треба да биде Хари Кејн, но ќе видиме, тој е се уште фудбалер на Тотенхем“, изјави Пеп Гвардиола.
