Левиот бек на Бенфика, Алехандро Грималдо, кариерата ќе ја продолжи во Баер Леверкузен. Тој ќе му се приклучи на германскиот клуб како слободен играч бидејќи договорот со португалскиот гигант истекува на крајот на јуни.
Пред неколку дена 27-годишниот Шпанец ги поминал лекарските прегледи и ќе парафира договор до 2027 година.
Со текот на годините, Грималдо беше поврзуван со голем број водечки тимови од Стариот континент како Јувентус, Атлетико Мадрид, Арсенал, Њукасл…
Грималдо е младински играч на Барселона, но не успеа да се пробие во првиот тим и пред седум години потпиша со Бенфика. Со „орлите“ од Лисабон има осум трофеи од кои три шампионски титули.
