Георги Јанкулов потпиша за Академија Пандев

Македонскиот прволигаш Академија Пандев го доведе и третото засилување оваа зима. Нов фудбалер на струмичкиот тим е 21-годишниот поранешен младински репрезентативец на Македонија, Георги Јанкулов.

Десниот бек доаѓа од екипата на Силекс, а претходно во својата кариера има настапувано за екипите на Борец и Железничар Панчево.

Претходно за Академија Пандев потпишаа и Агрон Руфати и Марио Врдољак.