Фрајбург го сопна Баерн и го потсети дека титулата е невозможна мисија (ВИДЕО)

Баерн Минхен доживеа уште еден удар откако ремизираше (2-2) против Фрајбург на гости. Сега баварскиот тим има речиси невозможна мисија да ја одбрани шампионската титула во Бундес-лигата.

Фрајбург поведе со голот на Гунтер во 12.минута, а израмни Матис Тел со прекрасен гол во 35.минута.

Баерн Минхен постигна втор гол преку Мусијала во 75.минута и сите мислеа дека ќе дојде до триумф. Но, Фрајбург повторно успеа да израмни откако погоди Лукас Холер во 87.минута од мечот.