ФИФА поведе дисциплинска постапка против Хрватска за навредите кон Милан Борјан

Меѓународната фудбалска федерација (ФИФА) поведе дисциплинска постапка против Хрватскиот фудбалски сојуз (ХНС), поради навредливиот транспарент и навредите кон голманот на Канада, Милан Борјан.

Во меѓусебниот меч, хрватските навивачи ги нарушиле правилата за дискриминација и за безбедност на натпреварите.

ФИФА не одреди рок за донесување одлука, а ваквите случаи најчесто завршуваат со парична казна.

Милан Борјан, кој е член на Црвена звезда, е роден во Книн, а тој и неговото семејство го напуштиле родниот град во 1995 година по воената операција „Бура“.