ФИФА ги објави номинациите за своите годишни награди „The Best“. Изборот се базира на ефектот во текот на минатата сезона, а вклучено е и Светско првенство во Катар. Специфичниот период наведен како релевантен за постигнувањата е меѓу 8 август 2021 и 18 декември 2022 година.
Номинирани се 14 фудбалери, а феновите од денеска до 3 февруари можат да гласаат за својот миленик.
Тројцата финалисти во секоја категорија ќе бидат објавени на почетокот на следниот месец.
Победниците ќе бидат објавени на церемонијата што ќе се одржи на 27 февруари во Париз.
Големи фаворити за наградата за фудбалер на годината се Лионел Меси и Карим Бензема.
Останатите номинирани се: Килијан Мбапе, Нејмар, Лука Модриќ, Садио Мане, Мохамед Салах, Роберт Левандовски, Кевин де Бруин, Ерлинг Халанд, Винисиус Жуниор, Џуд Белингем, Ашраф Хакими и Хулијан Алварез.
Номинираните за најдобар тренер се Лионел Скалони, Карло Анчелоти, Хосеп Гвардиола, Дидие Дешамп и Валид Реграги.
Номинирани за голман на годината се: Емилијано Мартинез, Алисон Бекер, Тибо Куртоа, Едерсон и Јасин Бону.
За наградата за најубав гол именуван по Ференц Пушкаш ќе се борат: Марио Балотели, Тео Хернандез, Килијан Мбапе, Ришарлисон, Димитри Паје, Алу Куол, Франциско Гонзалес Метили, Марцин Олекси, Амандин Анри, Салма Парауело и Алесија Русо.
