Езгјан Алиоски и неговиот пад по ударот на Пепе со глава во дуелот меѓу Лидс Јунајтед и Арсенал е во фокусот на вниманието во Англија. Прославениот француски репрезентативец и поранешен играч на Манчестер Јунајтед, Патрис Евра, вели дека Џани е супер-глумец.
„Мислам, ајде. Алиоски заслужува оскар за глума, падна како Пепе да му го скрши носот. А Пепе треба да им се извини на соиграчите за глупоста, затоа што ја наруши целата игра и балансот на тимот со црвениот картон. Тоа е направено од фрустрација“, изјави Патрис Евра, кој е аналитичар на „Скај Спортс“.
