Македонскиот интернационалец Ердон Даци, кој се најде и на списокот на селекторот Благоја Милевски за последните мечеви на националниот тим, се здоби со сериозна повреда поради која ќе отсуствува долго и ќе ја пропушти комплетната нова сезона. Тој ги скина вкрстените лигаменти на коленото на еден од последните тренинзи на Вестерло.
Белгиските медиуми информираат дека Ердон Даци е шестиот фудбалер кој се здоби со ваква повреда во претсезоната во Белгија и алудираат на подготвеноста на терените.
„За мене оваа сезона е завршена. Ќе се вратам посилен“, објави Ердон Даци на социјалните мрежи.
