Ердал Ракип и Бојан Миовски, најнови освежувања за А-тимот

Македонија оствари убедлива победа (0-4) над Лихтенштајн во Вадуц, во квалификациите за СП 2022 во Катар. Тоа беше прв триумф за новиот селектор Благоја Милевски на кормилото на А-тимот, кој доби уште две нови освежувања.

Фудбалерот за врска Ердал Ракип и напаѓачот Бојан Миовски ги одиграа првите минути за А-репрезентацијата на Македонија на мечот против Лихтенштајн. Ракип е фудбалер на Малме кој доби право на настап и веднаш доби повик од селекторот Милевски. Треба да ја засили конкуренцијата во средниот ред на националниот тим.

Бојан Миовски беше повикан и во септемвриската сесија, но не доби минутажа. Имаше проблеми и со коронавирусот, но сега е максимално подготвен и настапи во второто полувреме. Имаше и две одлични шанси, но не успеа да го зачини дебито и со прв погодок во дресот на Македонија. Можеби, веќе против Германија…