Македонскиот репрезентативец Елиф Елмас замина на заслужен одмор по настапите со националниот тим на Европското првенство, а при враќањето во Наполи го очекува новиот тренер Лучијано Спалети, кој своевремено сакаше да го доведе и во Интер. Дека Елмас е еден од најдобрите фудбалери за врска во Серија А покажува и рангирањето на највредните играчи меѓу кои македонскиот „дијамант“ е на осмата позиција.
Во топ 10 фудбалери од средниот ред, Елмас е проценет на 17 милиони евра и се наоѓа на осмото место. Ова се фудбалери кои се најбарани на Апенините во овој летен преоден рок.
На врвот на листата се најде соиграчот на македонскиот фудбалер Пјотр Зјелински (50 милиони), а зад него е Кристијан Ериксен (40 милиони) кој нема да може да игра поради здравствени проблеми. Тој колабираше на мечот од Европското првенство меѓу Данска и Финска.
Николо Заниоло исто така има вредност од 40 милиони евра, а потоа следува Хакан Чалханоглу кој од Милан се пресели во Интер.
Тимови
