Најтрофејниот македонски клуб Вардар замина на подготовки во Словенија, а таму треба на тимот да му се приклучат уште неколку засилувања. Засега само Филип Најдовски официјално пристигна во тимот на „црвено-црните“, а раководството на клубот преговара со неколку фудбалери кои се на прагот на потпис на договор.
Едно од новите имиња треба да биде и Срѓан Спиридоновиќ, поранешен фудбалер на Црвена Звезда и на Виченца, Погон Шчечин, Адмира Вакер, Генчлербирлиги, Паниониос, Атромитос, Жалгирис, кој последните шест месеци играше во Кувајт, за Ал-Салмија, а претходно беше дел од Хаџер во Саудиска Арабија.
Спиридоновиќ има 30 години и игра на левата крилна позиција.
