Актуелниот шампион на Италија, Интер и претходниот деветкратен освојувач, Јувентус, ремизираа во големото „Дерби на Италија” од деветтото коло во Серија А (1-1). Симоне Инзаги беше само на чекор да му го нанесе третиот пораз на Масимилијано Алегри сезонава, кој избра да ги остави на клупата двајцата најскапи играчи во својот тимот, Киеза и Де Лихт, а на нивно место, од првата минута, играа Кулушевски и Кјелини.
Погодок за домаќините беше дело на Един Џеко, кој го постигна својот осми гол во Серија А оваа сезона. Хакан Чалханоглу се обиде да го изненади Шчешни од голема далечина, но неговиот удар заврши во пречката од голот, а од таму директно се одби до Џеко, на кого му остана само да ја смести топката во противничката мрежа.
Но, кога сите сметаа дека натпреварот е веќе решен, дефанзивецот на “нероаѕурите”, Дензел Дамфрис направи невидена грешка при обидот да ја исфрли топката од својот шеснаесетник, удирајќи го Алекс Сандро во ногата. По консултации со ВАР-собата, судијата Маријани покажа на белата точка, а пеналот успешно го искористи Пауло Дибала за конечен резултат од 1-1.
Сето ова беше премногу за предводникот на тимот од “Џузепе Меаца”, па тој доби директен црвен картон и ќе ја пропушти средбата против Емполи в среда.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski