Фудбалерот на Манчестер Јунајтед, Дони ван де Бек, кариерата ќе ја продолжи во Ајнтрахт Франкфурт. Играчот од средниот ред ќе му се приклучи на германскиот клуб на позајмица до крајот на сезоната, со опција за откуп, чија вкупна вредност е 15 милиони евра, но нема да биде обврзувачка.
Ајнтрахт ќе плати мала сума и за позајмицата на играчот. Германскиот клуб верува во можностите на Ван де Бек и ова ќе биде негова шанса да се докаже и да ја оживее кариерата, бидејќи не доби голема шанса во редовите на Манчестер Јунајтед.
