Атлетико Мадрид оваа сезона не успеа да освои ниту еден трофеј, но тренерот Диего Симеоне, кој цела деценија е на кормилото, ќе го води тимот и во следниот шампионат.
Аргентинскиот стратег по натпреварот со Севилја изјави дека и следната сезона дефинитивно ќе остане тренер на Атлетико Мадрид.
„Нема што да се каже, продолжувам со работата во Атлетико. Без грижи, опуштено“, изјави Симеоне.
Популарниот Чоло е во Мадрид од 2011 година и освои четири европски и четири домашни трофеи.
