Интер летово остана без Ромелу Лукаку и сите сметаа дека тоа ќе биде огромен хендикеп за актуелниот италијански шампион. Но, раководството направи одличен потег и доведе босанскиот интернационалец Един Џеко од Рома, а тој покажа дека може да биде одлична замена за Белгиецот. Во тандем со Лаутаро Мартинез го урнаа и Сасуоло со пресврт и го вивнаа Интер на второто место на табелата, веднаш зад Наполи.
Тоа е шести гол сезонава за Џеко во Серија А, со што стана првиот играч кој постигнал најмалку шест гола во својата прва сезона за Интер во првите седум натпревари по легендарниот Роналдо во сезоната 1997/98.
Амбициите на Интер се да ја одбрани шампионската титула.
