Дефанзивецот на Јувентус, Мерих Демирал, е позитивен на Ковид-19, објавија италијанските медиуми. Тој покажал позитивен тест на последното тестирање на турската фудбалска репрезентација, веднаш е префрлен во изолација, а ќе се врати во Торино со посебен „медицински“ авион, слично како и во ситуацијата со Кристијано Роналдо кога имаше позитивен тест во периодот додека беше дел од селекцијата на Португалија.
Демирал веднаш ќе биде сместен во „Ј“ хотелот, базата на Јувентус, со сите задолжителни мерки на заштита од коронавирусот.
Турскиот интернационалец е десеттиот фудбалер на Јувентус кој доби позитивен тест на Ковид-19 од почетокот на пандемијата.
