Најтрофејниот македонски клуб Вардар потпиша со српскиот интернационалец Дејан Ѓуриќ уште една година. Тој ја продолжи соработката со Вардар и за претстојната сезона.
„Дефанзивецот денес потпиша договор на една година и се надеваме дека во периодот што следува, ќе успее уште повеќе да придонесе кон остварувањето на целите кои пред себе ги има поставено големиот Вардар“, објавија од клубот.
Српскиот интернационалец пристигна во Вардар за време на зимскиот преодоен рок, а во дресот на „црвено-црните“ одигра 15 натпревари, на кои постигна вкупно три гола.
