Јувентус соопшти дека операцијата на дефанзивецот на тимот Матија Де Шилјо утрово била успешна. Се очекува десниот бек да закрепнува околу шест месеци.
„Интервенцијата спроведена во клиниката Тониоло во Болоња од страна на професорот Стефано Зафанини од ортопедскиот институт Рицоли, во присуство на лекарот на Јувентус, доктор Марко Фреши, беше целосно успешна. Фудбалерот ќе започне со закрепнување во следните денови“, соопшти клубот од Торино.
Де Шилјо се повреди на натпреварот против Лече (2-1) на 3 мај, при што ги скина внатрешните вкрстени лигаменти. Сезоната за него заврши, а тренерот Масимилијано Алегри го чека назад во првата половина од сезоната 2023/24.
