Дефанзивецот на Реал Мадрид, Давид Алаба, е избран за спортист на годината во Австрија од страна на членовите на Здружението на новинари. Фудбалерот по третпат ја заслужува оваа чест. Тој ја освои наградата „Ники“, која го носи името на починатиот поранешен Формула 1 возач Ники Лауда.
Кај мажите прв е Алаба, а кај жените наградата ја заслужи олимписката шампионка во сноуборд Ана Гасер.
Меѓу екипите, фудбалскиот тим Ред Бул Салцбург го зазеде првото место, откако стана австриски шампион деветти пат по ред.
Давид Алаба ја освои Лигата на шампионите со Реал Мадрид, а стана и шампион на Шпанија.
