
Капитенот на Вардар, Дарко Мицевски, е пред трансфер во Борац Бања Лука, информираат босанските медиуми. Преговорите се во завршна фаза и се очекува тој во наредните неколку дена да стави потпис на договор со петтопласираниот клуб во првенството на БиХ.
Мицевски и во летниот преоден рок се поврзуваше со трансфер во Борац Бања Лука, но на крајот одлучи да остане во Вардар. Сепак, сега ситуацијата во најтрофејниот клуб е хаотична, замина и тренерот Александар Васоски, апсолутно е неизвесно што ќе се случува со клубот, па фудбалерите си бараат нова средина за продолжување на кариерата.
Дарко Мицевски, кој е повремен македонски репрезентативец, води преговори и со неколку клубови од Унгарија и од Кипар.

-
ВАРДАР ПАК Е ПРВОЛИГАШ: Убедливо го победи Скопје во баражот (ВИДЕО)
Најтрофејниот македонски клуб Вардар се врати во Првата лига откако убедливо го победи ФК...
Автор makfudbal
-
МАКФУДБАЛ ТИМ НА СЕЗОНАТА 2022/23 ВО ПРВАТА ЛИГА
Струга ТЛ ја освои историската прва титула шампион на Македонија, откако излезе победник во...
Автор makfudbal