Македонскиот репрезентативец Дарко Чурлинов го збогати своето портфолио со уште еден трофеј – Суперкупот на Полска.
Неговиот тим, Јагиелонија, во борбата за титулата триумфираше против Висла со минимални 1-0. Клучниот погодок го постигна Вилар Мики во првото полувреме, обезбедувајќи го престижниот трофеј.
Чурлинов започна како стартер и одигра солидни 66 минути, пред да биде заменет од тренерот, кој му даде шанса на Хансен да влезе во игра.
