Шампионот Шкендија почна со планираниот „рез“. Чистката прво го зафати левиот бек Антонио Павиќ и крилниот напаѓач Игор Вандерсон Да Силва кои веќе нема да бидат дел од тетовскиот тим. Со спогодбен раскин тие ги раскинаа договорите со Шкендија.
Антонио Павиќ дојде во Шкендија во август 2020 година, додека Вандерсон да Силва се приклучи во јануари оваа година. Сепак, тие беа странци кои не направија некоја посебно голема разлика во играта на тимот.
Се очекува клубот да го објави и заминувањето на најдобриот напаѓач Бесарт Ибраими, кој треба кариерата да ја продолжи во грчкиот клуб Ксанти.
