Европскиот првак Челси дефинитивно се откажа од ангажманот на Жул Кунде. Севилја не покажа флексибилност во преговорите и Томас Тухел и раководството на лондонскиот клуб се откажаа од намерата да го доведат на „Стемфорд бриџ“. Следната цел на Челси е дефанзивецот на Наполи, Калиду Кулибали, а понудата ќе биде испратена во зимскиот преоден рок.
30-годишниот Кулибали сака да го напушти Наполи, но ова лето не пристигнаа понуди за него. „Сините“ стапиле во контакт со агентот на Сенегалецот и преговорите ќе отпочнат во јануари.
