Аргентинскиот стратег Маурисио Покетино е нов тренер на Челси, потврди клубот од „Стемфорд бриџ“. Тој потпиша двегодишен договор, со опција за уште една дополнителна сезона.
Од раководството на Челси се задоволни од договорот со Покетино од кого очекуваат да го издигне тимот на повисоко ниво.
„Маурисио е тренер победник кој има работено на највисоко ниво во повеќе лиги и познава неколку јазици. Неговиот тактички пристап и посветеноста на развојот на играчите го направи исклучителен кандидат за оваа позиција. Со него клубот добива одличен стратег“, изјави Лоренс Стјуарт, директор за спортски развој во клубот.
Покетино ќе го замени Френк Лампард кој ја вршеше функцијата во вториот дел од сезоната, по разделбата со Грем Потер.
