Месут Озил го носи дресот на Фенербахче, а Хакан Чалханоглу еден ден ќе биде член на Галатасарај. Ова го најави одличниот играч за врска на Милан и турски репрезентативец. Призна дека од мали нозе е голем фан на Галатасарај и вети дека по неколку години ќе го облече дресот на гигантот од Истанбул.
„Нема тајни, јас сум голем фан на Галасатарај и се зареков дека еден ден ќе го облечам дресот на овој клуб. Си истетовирав лав, во знак на љубов кон Галата“, призна Чалханоглу и ја крена турската фудбалска јавност на нозе.
Фудбалерот за врска се уште размислува дали да ја прифати понудата на Милан за продолжување на соработката или пак да се пресели во Англија и да потпише за Манчестер Јунајтед.
