Реал Мадрид ова лето би можел да доведе нов тренер. Се очекува клубот да го преземе младиот стратег Чаби Алонсо, кој има одлични резултати со Баер Леверкузен, но тоа нема да значи заминување на Карло Анчелоти, откриваат шпанските медиуми.
Анчелоти го продолжи договорот со Реал Мадрид до 2026 година, но во него постои посебна клаузула што му овозможува да остане во клубот со друга улога, а не само како тренер.
Раководството на Реал Мадрид ќе му довери друга позиција на Анчелоти сметајќи дека може да биде корисен и како еден од директорите за фудбал, согласно неговото големо искуство.
Анчелоти важи за апсолутна легенда на Реал Мадрид, освојувајќи вкупно 15 трофеи во два мандати на „Сантијаго Бернабеу“.
