Бујар Ислами замина од клупата на Арсими

Македонскиот второлигаш Арсими ќе мора да пронајде нов предводник на тимот, откако Бујар Ислами си замина од клупата. Досегашниот шеф на стручниот штаб заминува од приватни причини, а клубот го прифатил неговото образложение и тргнува во потрага по негов наследник.

Арсими во последното второлигашко коло загуби на гости од Каменица Саса. Тимот од Чегране имаше поголеми амбиции во досегашниот тек од сезоната, а во моментов се наоѓа на десеттата позиција.