Бруно Фернандеш инсистира дека сезоната на Манчестер Јунајтед не може да се гледа како успешна, и покрај тоа што „црвените ѓаволи“ се изборија за пласман во Лигата на шампионите.
„Навистина сме среќни што ќе бидеме во Лигата на шампионите следната сезона, но очигледно тоа е задолжително за ваков клуб. Откако пропуштивме шанси во борба за титулата, моравме да се бориме за Топ 4 и тоа го направивме“, изјави Фернандеш.
Како играчи не се задоволуваме само со Топ 4. Сакаме повеќе. Целиме на повеќе бидејќи веруваме дека има доволно квалитет во овој тим. Сезоната е позитивна, но не е успешна. Освоивме трофеј, се пласиравме во Лигата на шампионите. Ни претстојат други финалиња, но што и да се случи, нема да ни ја промени сезоната“, додаде Португалецот.
