Македонскиот прволигаш Брегалница ја заокружи првата фаза од подготовките. Од денеска тимот се сели во Охрид каде ќе биде реализиран централниот дел од подготвителната фаза.
„Задоволни сме од досега сработеното, активноста на фудбалерите низ подготовките и првично виденото на двата пријателски натпревари. Секако ова е само прва фаза од подготовките и верувам дека Брегалница ќе игра уште подобро на следните тест-дуели. Последните пет закажани пријателски натпревари ќе го дадат финалниот изглед на тимот за пролетниот дел од сезоната”, изјави шефот на стручниот штаб, Горан Здравков.
