Борусија Дортмунд има голема желба Ралф Рангник да работи во клубот. Откако во јануари тој беше опција за тренер на тимот, сега „жолто-црните“ имаат намера да му понудат да стане спортски директор, тврди „Билд“.
Стратегот може да го напушти своето место како селектор на Австрија, бидејќи има неразбирање меѓу него и некои луѓе од федерацијата.
Во јануари Борусија го смени тренерот, назначувајќи го Нико Ковач, но изданијата на тимот не се подобрија значително. Раководството на клубот планира дополнителни промени и смета дека Рангник може да помогне во изградбата на тимот.
