Милан продолжува со разочарувачките резултати, претрпувајќи уште еден пораз во Серија А, овојпат против Болоња. „Росонерите“ имаа водство, но не успеаја да го задржат и на крајот загубија со 2-1.
Мечот започна со иницијатива на Болоња, која создаде неколку шанси, но без реализација. Спротивно на текот на играта, Милан стигна до водство во 43. минута преку Рафаел Леао, кој погоди за 0-1 на полувреме.
Во второто полувреме, домаќините брзо израмнија – Кастро во 48. минута стрелаше за 1-1. Болоња продолжи со напаѓачката игра и во 82. минута преку Ндоје постигна втор гол, што се покажа како одлучувачки.
Милан не успеа да одговори и остана со празни раце, што дополнително ги продлабочи кризата и незадоволството кај навивачите.
