Проблемите за селекторот Игор Ангеловски пред последниот меч од тековниот циклус во Лигата на нации ќе бидат уште поголеми со оглед дека право на настап немаат двајца фудбалери од средниот ред, Стефан Спировски и Бобан Николов. Тие добија жолти картони, но и автоматска суспензија за следниот натпревар.
Ако се знае дека Ангеловски го нема на располагање и капитенот Горан Пандев, повредените Аријан Адеми и Енис Барди, тогаш јасно е дека изборот ќе биде многу помал. Добра вест е дека за мечот со Ерменците на Кипар в среда во составот ќе се врати Езгјан Алиоски кој денеска не играше поради суспензија (жолти картони).
