Бензема стигна до 200 гола во Ла Лига

Францускиот интернационалец Карим Бензема игра во фантастична форма на стартот од новата сезона во Ла Лига. Тој блескаше и синоќа против Мајорка на „Сантијаго Бернабеу“, а постигна два гола во убедливиот триумф од 6-1.

Бензема веќе стигна до бројката од 200 погодоци во шпанското првенство и доби дрес со посвета од претседателот на „кралскиот клуб“, Флорентино Перез.

Реал Мадрид по шест кола се наоѓа на врвот на табелата во Ла Лига со 16 бода.