Шефот на стручниот штаб на Струга Трим Лум, Јетон Беќири очекува тежок натпревар на гостувањето против Вардар за неговиот тим во 5. коло од Првата македонска фудбалска лига. Но, Беќири е сигурен дека може да парираат на „црвено-црните“ во желбата и да го изненадат фаворитот.
„Вардар игра во одлична форма последните неколку натпревари, по лошиот старт. Но, и покрај тоа што знаеме дека ја носи фаворитската улога во Скопје патуваме желни за максимално надигрување и борба да се дојде до позитивен резултат. Ќе ни недостасуваат и суспендираните Тафа и Касами, но верувам дека секој кој ќе настапи ќе го даде максимумот на терен“ – вели Беќири.
Натпреварот меѓу Вардар и Струга Трим Лум се игра утре (14. септември) на националната арена „Тодор Проевски“ во Скопје со почеток од 15:30 часот.
