Барселона има намера што поскоро да му понуди нов договор на својот дефанзивец Роналд Араухо. 24-годишниот Уругваец е еден од најконстантните дефанзивци на Каталонците и тие сигурно сакаат да го задржат во својот тим.
Договорот на Араухо истекува во 2026 година, а приоритет за клубот е продолжувањето на неговиот договор и на Френки де Јонг, кој исто така има валиден потпис до 2026 година.
Баерн Минхен има сериозен интерес за Араухо, а тренерот на Баварците Томас Тухел е голем фан на Уругваецот. Германскиот првак се обиде и да достави понуда, но во оваа фаза од Барселона се децидни дека тој не е на продажба.
