Барселона стигна до 19. победа во Ла Лига оваа сезона откако убедливо го совлада Атлетико Мадрид со 0-3 во дербито на „Ванда Метрополитано“. Чави беше исклучен пред крајот на првиот дел, но тоа не им сметаше на неговите фудбалери да прикажат одличен фудбал.
Жоао Феликс во 38.минута го отвори резултатот постигнувајќи погодок против својот поранешен клуб каде и треба да се врати по завршувањето на сезоната.
На стартот на вториот дел, Роберт Левандовски зголеми на 0-2, а Фермин Лопез во 65.минута постигна и трет гол за Барселона.
Во финишот, Атлетико Мадрид остана и со фудбалер помалку откако беше исклучен Молина.
